مشهد (1)
نهار / داخلي / شقة في حي شعبي
_______
الأم1: قوم يا بني هتتأخر على كُلِّيتك!
الابن1: مممم.. خلاص قمت آهو.. طيب حضرتي الفطار؟!
الأم1: عقبال ما تطلع من الحمام هتلاقيه جاهز يا حبيبي.
الابن1 بابتسامة عرفان: ربنا يخليكي ليا يا ست الكل!
* * * * *
مشهد (2)
نهار / داخلي / شقة في نفس الحي الشعبي
_______
الأم2: مش عاوز حاجة قبل ما تنزل يا قلبي؟
الابن2: احم.. كنت عاوز قرشين كده يا حاجة عشان أشتري مذكرات!
الأم2: خد يابني.. ربنا يوفقك وينورلك طريقك دايما يا ابن عمري!
الابن2 بابتسامة عرفان: مش عارف من غيرك في الدنيا دي كنت عملت إيه؟!
* * * * *
مشهد (3)
نهار / خارجي / محطة الأوتوبيس في نفس الحي الشعبي
_______
الابن1: اتأخرت ليه ياض.. مستنيك من ربع ساعة يا ابن المتنـ....!!
الابن2: إنت هتشتغلني؟ وراك الديوان يعني يا ابن الوسـ...؟!
وصل الأوتوبيس في هذه اللحظة.. فصعدا إليه وهما يضحكان بصوت مرتفع!!