دينا ممدوح :
أول تجربة ليا في قراءة كتب للكاتب ماجد القاضي
ولذلك مش عارفة دي اول تجربة ليه في الخيال العلمي والا كان في تجارب قبل كدة
لأنها لو اول تجربة فـ هي مميزة جدًا الحقيقة
بداية الرواية قوية وبتاخدك للأحداث بسرعة
والنقلة ما بين الزمن الحالي والعصر الحجري كانت سلسلة ومش خلتني أتشتت أو أحس إنها غريبة علي الرواية
باقي الأحداث كانت متلاحقة وكنت اتوقع إنها ممكن تكون اكبر من كدة كمان
الوصف واضح جدًا وحسسني إني شايفة تفاصيل المكان والمركبة الفضائية
في رسالة واصلة أوي من تفاصيل الرواية حتي لو مش مقصودة
أفضل حاجة كمان في الرواية المعلومات اللي مطروحة فيها بطريقة تخدم احداثها
تعليقي علي الرواية كان في نقطتين
أولًا كان في خطأ أتكرر مرتين أو تلاته تقريبًا في أسم البطل اللي كان بيتم عن طريق الخطأ وضع أسم صديقة أو عدوه
والتعليق التاني إني فجأه لاقيت الرواية خلصت من غير ما أفهم المستكشفين اللي لاقوا بداية القصة دي حصلهم أية
فجأه لاقيتها خلصت وماعرفتش مصيرهم أية ومصير استكشافهم ده أية
وده بالنسبة ليا كانت نقطة تسببت في بتر أفكاري كلها وأثرت سلبي علي الرواية بالنسبة ليا.